Thursday, 12 April 2018

#பலவீனமான_செய்தி

وقال البيهقي في السنن الكبرى 15978- أَخْبَرَنَا أَبُو عَبْدِ اللَّهِ الْحَافِظُ وَأَبُو مُحَمَّدٍ : عُبَيْدُ بْنُ مُحَمَّدِ بْنِ مُحَمَّدِ بْنِ مَهْدِىٍّ لَفْظًا قَالاَ حَدَّثَنَا أَبُو الْعَبَّاسِ : مُحَمَّدُ بْنُ يَعْقُوبَ حَدَّثَنَا يَحْيَى بْنُ أَبِى طَالِبٍ أَخْبَرَنَا عَبْدُ الْوَهَّابِ بْنُ عَطَاءٍ حَدَّثَنَا سَعِيدٌ عَنْ قَتَادَةَ عَنْ أَبِى نَضْرَةَ عَنْ عَبْدِ الرَّحْمَنِ بْنِ أَبِى لَيْلَى : أَنَّ رَجُلاً مِنْ قَوْمِهِ مِنَ الأَنْصَارِ خَرَجَ يُصَلِّى مَعَ قَوْمِهِ الْعِشَاءَ فَسَبَتْهُ الْجِنُّ فَفُقِدَ فَانْطَلَقَتِ امْرَأَتُهُ إِلَى عُمَرَ بْنِ الْخَطَّابِ رَضِىَ اللَّهُ عَنْهُ فَقَصَّتْ عَلَيْهِ الْقِصَّةَ فَسَأَلَ عَنْهُ عُمَرُ قَوْمَهُ فَقَالُوا : نَعَمْ خَرَجَ يُصَلِّى الْعِشَاءَ فَفُقِدَ فَأَمَرَهَا أَنْ تَرَبَّصَ أَرْبَعَ سِنِينَ فَلَمَّا مَضَتِ الأَرْبَعُ سِنِينَ أَتَتْهُ فَأَخْبَرَتْهُ فَسَأَلَ قَوْمَهَا فَقَالُوا نَعَمْ فَأَمَرَهَا أَنْ تَتَزَوَّجَ فَتَزَوَّجَتْ فَجَاءَ زَوْجُهَا يُخَاصِمُ فِى ذَلِكَ إِلَى عُمَرَ بْنِ الْخَطَّابِ رَضِىَ اللَّهُ عَنْهُ فَقَالَ عُمَرُ بْنُ الْخَطَّابِ رَضِىَ اللَّهُ عَنْهُ : يَغِيبُ أَحَدُكُمُ الزَّمَانَ الطَّوِيلَ لاَ يَعْلَمُ أَهْلُهُ حَيَاتَهُ. فَقَالَ لَهُ : إِنَّ لِى عُذْرًا يَا أَمِيرَ الْمُؤْمِنِينَ. قَالَ : وَمَا عُذْرُكَ؟ قَالَ خَرَجْتُ أُصَلِّى الْعِشَاءَ فَسَبَتْنِى الْجِنُّ فَلَبِثْتُ فِيهِمْ زَمَانًا طَوِيلاً فَغَزَاهُمْ جِنٌّ مُؤْمِنُونَ أَوْ قَالَ مُسْلِمُونَ شَكَّ سَعِيدٌ فَقَاتَلُوهُمْ فَظَهَرُوا عَلَيْهِمْ فَسَبَوْا مِنْهُمْ سَبَايَا فَسَبَوْنِى فِيمَا سَبَوْا مِنْهُمْ فَقَالُوا نَرَاكَ رَجُلاً مُسْلِمًا وَلاَ يَحِلُّ لَنَا سَبْيَكَ فَخَيَّرُونِى بَيْنَ الْمُقَامِ وَبَيْنَ الَقُفُولِ إِلَى أَهْلِى فَاخْتَرْتُ الْقُفُولَ إِلَى أَهْلِى فَأَقْبَلُوا مَعِى أَمَّا بِاللَّيْلِ فَلَيْسَ يُحَدِّثُونِى وَأَمَّا بِالنَّهَارِ فَعِصَارُ رِيحٍ أَتْبَعُهَا. فَقَالَ لَهُ عُمَرُ رَضِىَ اللَّهُ عَنْهُ : فَمَا كَانَ طَعَامُكَ فِيهِمْ؟ قَالَ : الْفُولَ وَمَا لَمْ يُذْكَرِ اسْمُ اللَّهِ عَلَيْهِ. قَالَ : فَمَا كَانَ شَرَابُكَ فِيهِمْ؟ قَالَ : الْجَدَفَ. قَالَ قَتَادَةُ: وَالْجَدَفُ مَا لاَ يُخَمَّرُ مِنَ الشَّرَابِ. قَالَ : فَخَيَّرَهُ عُمَرُ رَضِىَ اللَّهُ عَنْهُ بَيْنَ الصَّدَاقِ وَبَيْنَ امْرَأَتِهِ.

அப்துர் ரஹ்மான் இப்னு அபூ லைலா அறிவித்த செய்தி:

(உமர் (ரழி) அவர்கள் கலீஃபாவாக இருந்த காலத்தில்) அன்ஸாரிகளைச் சேர்ந்த ஒரு மனிதர் ஒரு நாள் இரவு இஷா தொழுகைக்காக வீட்டை விட்டு வெளியேறிச் சென்றார். இவ்வாறு சென்றவரை சில ஜின்கள் கடத்திக் கொண்டு சென்று விட்டனர். அன்றிரவு அவர் வீடு திரும்பவேயில்லை. எல்லா இடங்களிலும் அவரைத் தேடிப் பார்த்து விட்டு, இறுதியில் அவரது மனைவி அமீருல் முஃமினீன் உமர் (ரழி) அவர்களிடம் சென்று, (தன் கணவர் தொலைந்து போனதைப் பற்றி) முறையிட்டாள்.

உடனே உமர் (ரழி) அவர்கள் அந்த மனிதரைப் பற்றி (வேறு பலரிடமும்) விசாரித்தார்கள். விசாரித்த அனைவரும், அந்த மனிதர் இஷா தொழுகைக்காக வீட்டை விட்டு வெளியேறியவர் வீடு திரும்பவில்லை என்றே சாட்சி கூறினார்கள். இறுதியில் உமர் (ரழி) அவர்கள் (இந்தப் பிரச்சினைக்குத் தீர்ப்புக் கூறும் போது) அந்தப் பெண்ணிடம் இன்னும் நான்கு வருடங்கள் அந்த மனிதர் திரும்பி வருவாரா என்று காத்திருக்குமாறு தீர்ப்புக் கூறினார்கள்.

நான்கு வருடங்கள் கடந்த பிறகு மீண்டும் அந்தப் பெண் உமர் (ரழி) அவர்களிடம் சென்று (தனது கணவர் இன்னும் திரும்பவில்லை என்று) கூறினாள். உடனே உமர் (ரழி) அவர்கள் (மீண்டும் மக்களிடம்) இது குறித்து விசாரிக்க, அவர்களும் அந்தப் பெண்ணின் கூற்றை உண்மைப் படுத்தினர். (தகவலை உறுதிப்படுத்திக் கொண்ட) உமர் (ரழி) அவர்கள் அந்தப் பெண் விரும்பினால் இப்போது வேறொரு திருமணம் செய்து கொள்ளலாம் என்று தீர்ப்பு வழங்கினார்கள். அவ்வாறே அந்தப் பெண்ணும் வேறொரு திருமணம் செய்து கொண்டாள்.

ஆனால், (நான்கு ஆண்டுகள் கழித்து, திருமணம் எல்லாம் முடிந்த பின்) அவளது பழைய கணவர் (தொலைந்து போனவர்) திரும்பி வந்ததும் பிரச்சினை ஏற்படவே, அவர் (தனது மனைவி இன்னொருவரைத் திருமணம் முடித்திருப்பதைக் குறித்து) உமர் (ரழி) அவர்களிடம் வந்து முறையிட்டார். அதற்கு உமர் (ரழி) அவர்கள், “உங்களில் ஒருவர் பல வருடங்கள் காணாமல் போய் விடுகிறார். அவரது குடும்பத்துக்கோ அவர் உயிரோடிருக்கிறாரா? இறந்து விட்டாரா என்பது கூட தெரியாது. (பிறகு தொலைந்து போனவர் திரும்பி வந்து நீதி கேட்கிறார்)” என்று கூறினார்கள். அதற்கு அந்த மனிதர் “முஃமின்களின் தலைவரே, எனது தலைமறைவுக்கு ஒரு நியாயமான காரணம் உள்ளது” என்று கூறினார். அதற்கு உமர் (ரழி) அவர்கள், “உமது காரணம் தான் என்ன?” என்று வினவினார்கள். அதற்கு அந்த மனிதர் பின்வருமாறு பதில் கூறினார்:

“ஒரு நாள் இரவு, இஷா தொழுகையை நிறைவேற்றும் நோக்கத்தோடு நான் வீட்டை விட்டு வெளியேறிச் சென்றேன். ஆனால், சில ஜின்கள் என்னைக் கைப்பற்றிக் கொண்டு சென்று விட்டனர். மேலும், நான் (சிறைக் கைதியைப் போல்) நீண்ட காலம் அவர்களுடன் தடுத்து வைக்கப் பட்டிருந்தேன். பிறகு சில முஃமினான ஜின்கள் (அல்லது முஸ்லிமான ஜின்கள்) – (அறிவிப்பாளர்களுள் ஒருவரான ஸஈத், சரியான வார்த்தை முஃமினா? அல்லது முஸ்லிமா? என்பது தனக்குச் சரியாக ஞாபகமில்லையென்று கூறினார்) இந்த ஜின்களுக்கு எதிராகத் தாக்குதல் நடத்தினர். இவர்களை வெற்றி கொண்ட அந்த நல்ல ஜின்கள், அனைவரையும் சிறைப் பிடித்தார்கள்.

சிறைப்பிடிக்கப் பட்டவர்களோடு இருந்த என்னைக் கண்டதும் அவர்கள், “நீங்கள் மனித இனத்தைச் சேர்ந்த ஒரு முஸ்லிமாக இருக்கிறீர்கள். உங்களைச் சிறைப்பிடித்து வைத்துக் கொள்வதற்கு எமக்கு அனுமதியில்லை.” என்று கூறினார்கள். பிறகு, நான் விரும்பினால் அவர்களோடு தொடர்ந்தும் இருக்கலாம்; அல்லது எனது குடும்பத்தாரிடம் திரும்பிச் செல்ல விரும்பினால், திரும்பிச் செல்லலாம் என்று கூறினார்கள். நான் எனது குடும்பத்தாரிடம் திரும்பிச் செல்ல வேண்டுமென்றேன். உடனே அவர்கள் என்னையும் கூட்டிக் கொண்டு புறப்பட்டார்கள். (பிரயாணத்தின் போது) இரவுப் பொழுதுகளில் அவர்களில் எவரும் என்னோடு ஒரு வார்த்தை கூட பேசவில்லை. ஆனால், பகல் பொழுதுகளில், நான் பின்தொடர்ந்து கொண்டே வரும் விதமாக ஒரு குச்சி (என்னை வழிநடத்திக் கொண்டே) இருந்தது.”

இந்தக் கதையைக் கேட்ட உமர் (ரழி) அவர்கள், “அவர்களோடு நீர் தங்கியிருந்த போது உமது உணவு என்னவாக இருந்தது?” என்று கேட்டார்கள். அதற்கு அந்த மனிதர் “சிரமமான உணவாகவும், அல்லாஹ்வின் பெயர் கூறப்படாத உணவாகவுமே அது இருந்தது” என்று பதிலளித்தார். மீண்டும் உமர் (ரழி) அவர்கள், “அவர்களோடு நீர் தங்கியிருந்த போது பானமாக எதை அருந்தினீர்?” என்று கேட்டார்கள். அதற்கு அந்த மனிதர், “ ‘அல் ஜதாஃப்’ (அழுகிப் போகாத ஒருவகையான பானம்)” என்று பதிலளித்தார்.

(இறுதியில்) உமர் (ரழி) அவர்கள், அந்த மனிதரிடம் “நீர் விரும்பினால், உமது மஹர் தொகையைத் திரும்பப் பெற்றுக் கொள்வதன் மூலம் முறிந்த இந்தத் திருமண உறவை முறிந்ததாகவே ஆக்கிக் கொள்ளலாம். அல்லது விரும்பினால், உமது மனைவியை நீர் மீளப் பெறலாம்” என்று தீர்ப்பளித்தார்கள்.
- பைஹக்கி, ஸுனன் அல் குப்ரா: 15978
மற்றும்
ஸயீத் இப்னு மன்ஸூர்
1755 - வருகிறது.

இந்த செய்தியில் இடம் பெரும் கதாதா என்பவர் தத்லீஸ் செய்யக்கூடியவர்.

”கதாதா” என்பவர் ”முதல்லிஸ்” ஆவார். அதாவது தமது ஆசிரியரிடமிருந்து கேட்காத செய்தியையும் நேரடியாகக் கேட்டதைப் போன்று அறிவிப்பவர் ஆவார்.
இதுபோன்ற முதல்லிஸ் என்ற நிலையில் உள்ளவர்கள் ”ஸமிஃத்து” (நான் செவியேற்றேன்), ”ஹத்தஸனா” ”அஹ்பரனா” (எங்க்களுக்கு அறிவித்தார்) போன்ற சந்தேகமே இல்லாமல் நேரடியாகச் செவியுற்றதற்குரிய வார்த்தைகளைப் பயன்படுத்தி அறிவித்தால்தான் அதனை ஆதாரமாக்க் கொள்ள முடியும். மாறாக ”கால” (சொன்னார்), அல்லது ”அன்” (இன்னார் வழியாக) என்பது போன்ற வார்த்தைகளைப் பயன்படுத்தி அறிவித்தால் அது ஏற்றுக் கொள்ளப்படாது.

تهذيب التهذيب ـ محقق (8 / 317) :وقال أبو داود الطيالسي عن شعبة كان قتادة إذا جاء ما سمع قال حدثنا وإذا جاء ما لم يسمع قال قال فلان

கதாதா அவர்கள் தான் நேரடியாகக் கேட்டதை அறிவித்தால் ”ஹத்தஸனா” (இன்னார் எங்களுக்கு அறிவித்தார்) என்று கூறுவார். தான் நேரடியாகக் கேட்காததை அறிவித்தால் ”கால ஃபுலான்” (இன்னார் சொன்னார்) என்று கூறுவார் என ”ஷுஃபா” அவர்களிடமிருந்து அபூதாவூத் தயாலிஸி அவர்கள் கூறியுள்ளார்கள்.
நூல் : தஹ்தீபுத் தஹ்தீப் பாகம் : 8, பக்கம் : 317

تهذيب التهذيب ـ محقق (8 / 318) :
وقال أبو حاتم اثبت اصحاب انس الزهري ثم قتادة قال وهو أحب إلي من أيوب ويزيد الرشك إذا ذكر الخبر يعني إذا صرح بالسماع

அனஸ் அவர்களின் மாணவர்களில் மிகவும் நம்பகமானவர்கள் ஷுஹ்ரி என்பாரும் பிறகு கதாதா அவர்களும் ஆவார்கள்.  கதாதா அவர்கள் தான் நேரடியாகக் கேட்டதை தெளிவுபடுத்தி செய்தியை அறிவித்தால் அய்யூப் மற்றும் யஸீத் ஆகியோரை விட எனக்கு நேசத்திற்குரியவர் ஆவார் என இமாம் அபூ ஹாத்திம் கூறியுள்ளார்கள்.
 நூல் : தஹ்தீபுத் தஹ்தீப் பாகம் : 8 பக்கம் 318

سير أعلام النبلاء [ مشكول + موافق للمطبوع ] (9 / 325) :وَهُوَ حُجّةٌ بِالإِجْمَاعِ إِذَا بَيَّنَ السَّمَاعَ، فَإِنَّهُ مُدَلِّسٌ مَعْرُوْفٌ بِذَلِكَ، وَكَانَ يَرَى القَدَرَ - نَسْأَلُ اللهَ العَفْوَ

கதாதா அவர்கள் தான் நேரடியாகக் கேட்டதை தெளிவுபடுத்தி அறிவித்தால் ஏகோபித்த அடிப்படையில் அவர் ஆதாரத்திற்குரியவர் ஆவார். அவர் அறியப்பட்ட முதல்லிஸ் ஆவார். இன்னும் விதியை மறுக்கும் கொள்கையைச் கொண்டிருந்தார். அல்லாஹ்விடம் அவருக்கு மன்னிப்பைக் கோருவோம் என இமாம் தஹபி கூறுகிறார்.
நூல்:ஷியரு அஃலாமு அன் நுபலாவு பாகம்:9 பக்கம் : 325

இது வரை நாம் பார்த்த விமர்சனங்களிலிருந்து கதாதா அவர்கள் முதல்லிஸ் என்பது தெளிவாகிவிட்டது. அவர் நேரடியாகக் கேட்டதற்குரிய வார்த்தைகளைப் பயன்படுத்தி அறிவித்தால்தான் அதை ஆதாரமாகக் கொள்ள முடியும் என்பது தெளிவாகிறது..

மேலும் அந்த செய்தியை அறிவிப்பவர் அப்துர் ரஹ்மான் பின் அபீ லைலா என்பவர் இவர் உமர் ரலி அவர்களிடம் எந்த செய்தியையும் செவி ஏற்க்கவில்லை என்று இப்னு மயீன் கூறுகிறார்கள்.

عَن ابن معين : لم يسمع من عُمَر شيئا قط (سؤالاته ، الورقة 41) ( مستفاد من تحقيق تهذيب الكمال

உமர் ரலி அவர்கள் காலத்தில் நடந்த சம்பவத்தை இவரிடம் யார் கூறினார் யாரிடம் கேட்டு அறிவித்தார் என்று எதுவும் கூறிப்பிடவில்லை எனவே இது அறிவிப்பாளர் தொடர் முறிவடைந்த ஹதீஸ் ஆகும்.

இப்னு செய்யத்

No comments:

Post a Comment